ان الراجل ميتعبش علشان يرتبط بالست مش مبرر ابداااااا انه ميحترمهاش ويقدرها بالظبط زي ان الستات تمشي عريانه او كاشفه مش مبرر ابدا للتحرش
ولما يكون في بنت اهلها محترمين ومش ساحلين العريس في الطلبات مش مبرر ابدا ان الراجل ميحترمش مراته علشان متعبش في جوازه منها ومدفعش دم قلبه اصلها ببلاش ومتعبش بدل ميبقي محترم واخلاق ويحترم ويقدر اخلاق حماته وحماه
ولما الست هي الي تعجب بالراجل الاول وتختاره مش معني كدا انها بجحه وبلا حياء ولا انها واقعه ومضمونه ولا مبرر ابدا للراجل انه ميحترمهاش وميقدرهاش علشان متعبش وجري وراها هو الاول
الست انسان زيها زي الراجل من حقها تختار الي يناسبها زي مهو من حقه يختار وعادي لو حصل واختارته هي الاول
ما السيده خديجه اختارت الرسول صلي الله عليه وسلم وطلبته للجواز
وكانت اكبر منه وسبق لها الجواز وهي الي طلبته للجواز علشان اعجبت بيه وشافته انسب راجل ليها الصادق الامين الي هتأمنه علي تجارتها ونفسها
هل الرسول قال اصلها جريت ورايا ومتعبتش واختارتها فهبصلها علي انها مضمونه وواقعه ومش هقدرها وههمشها ولا باخلاقه العظيمه احترمها وقدر انها انسانه من حقها تختار
هو اصلا يعني اي اخلاق ؟
الصلاه والصوم دول عبادات مش اخلاق
لكن الاخلاق يعني التعامل مع الناس واحترام الناس وتقديرهم مهما كانت ظروفهم ومستواياتهم
ازاي تتعامل مع الناس بخلق
يشمل الصدق والامانه والعدل والتقدير والاحترام.
الاخلاق هي الانسانيه والعدل
لازم يبقي في اخلاق في تقدير الست والنظر ليها علي انها انسان منعنصرهوش علي انه ست مش راجل فمش من حقه يختار ولا من حقه يبقي سعيد
بقلم / نوران بهاء الدين صابر
ليست هناك تعليقات:
إرسال تعليق